දයාබර සන්තිය,
සමහර මිනිස්සුන්ගේ වැඩ විගරහ කරන්න අමාරුයි ....
උන් ඉපදිලා ඉන්නේ අනුන්ට පව් දෙන්න .. !!
උබ දන්නවනේ සෙල්ලදොරේ කඩේ මුදලාලි ...
මීට මාස හත අටකට කලින් ...
මං දවාලක කඩේට ගිහාම කව්රුවත් වටපිටක හිටියේ නැහැ
බඩු දෙන ගමන් මුදලාලි...මගේ අත මිරිකුවා...
මං බඩු ටිකත් විසිකරලා හොදවයින් දෙකක් කියලයි ආවේ..
යන්න ඇරලා මුදලාලි කියනවා ....
"සිංහලයෝ හොදයි ..අපි තමා නරක..."
සෙල්ලදොරේ මුදලාලි අපේ අප්පටත් වඩා වයසයි ....
මට තාම තරහයි....ඒත් මං කාඑක්කවත් කියන්න ගියේ නැහැ ..
අයෙමත් ගමේ ගිනි අව්ලන්න බැරි නිසා ...!!!
මේ මිනිස්සුන්ගේ මනුස්සකම් කොහේ හැංගිලා ගිහින්ද කියල හිතා ගන්න බැ...
මේ,
නීලමනී ..
දයාබර නීලමනී,
කොල්ලව "මායිමේ ඉස්කෝලෙට" දාන්න යනවා අහල මට හරි සතුටුයි...
මට උබට කියන්නත් හිතුනා ..
ඒත් මං කොහොමද කටක් ඇරලා උබට උපදෙස් දෙන්නේ....
මායිමේ ඉස්කෝලෙට ගිය උබට, මට සෙල්වට ,වෙලේගෙදර අක්කට ,
එක බත් පත බෙදන් කාපු කොයි කාටත් ..
ජාති වාදයක් නැහැ ...
අපි හැමෝම එකවගේ ...!
කොල්ලත් ඒ විදිහට හැදෙනවට මං ආසයි...!
සුලෝචනා හිත අමාරුවෙන් ඉන්නේ දරුවෙක් වදන්න බැරි එක ගැන ...!
ලඟදී දවසක අල්ලපු ගෙදර තිබුන කිරිඅම්මා දානෙට ..
සුලොචනාට නොකීවේ ...
" වඳ ගැහැනියක් නිසා "කියල මහා ලිඳ ළඟ කතා වෙලා ..
ඒක ඇවිත් කනේ තියන්නත් මොලයක් නැති උන් ඉන්නවනේ...
අනේ මන්ද ...
මේක පුදුම ලෝකයක්...!!
ජිවිතේ හරි පුදුමයි නීලමනී ....
දරුවෙක් හැදුවට උබට ගෙතුව කතායි...
දරුවෙක් හදන්න බැරි සුලෝචනාට ගෙතෙන කතායි ...
අතරේ ලොකු වෙනසක් නැහැ ....
අනුන්ගේ ගතු කියන උන්ගේ දිව ඕන පැත්තකට නැවෙනවා...
මේ,
සන්තිය.....
