අව්රුද්දට උබලගේ දිහා ආව සුලෝචනා ගෙදර ඇවිත්
තොරතෝංචියක් නැතුව විස්තර කියවනවා ...
මට ඇහුන ඒකී අම්මත් එක්ක කියනවා
"නීලමනී දෙමළ උනාට හරි හොදයි "
මම මුවින් නොබැන හිටියේ ...කියල තේරුමක් නැති නිසා ...
මිනිසුන් හොඳ හෝ නරක වෙන්නේ සිංහලවත් දෙමළනිසාවත් නෙමේ ...
ඒටික තාම සමහරුන්ට තේරෙන්නැහැ ...
ඉතින් ඒක නෙමේ ...
බොහොම පින්
උබ ඉස්සර වගේම හිනා වෙලා අපිට සැලෙකුවට...
උබේ තියන ඒ මනුස්සකමටයි
මං කවදත් උබට ආදරේ කලේ...!!
ඉස්සරවගේම ..කොන්ඩේ මැදින් දෙකට බෙදල මල් ගහල පොට්ටුවක් තියන් හිටියට ...
උබ වෙනස් වෙලා ...උබ ඉස්සර හිටිය අහිංසක නීලමනී නෙමේ දැන් ...
එහෙමයි මට හිතුනේ... !!!
ඒත් මටවාවන්න බැරි උනේ
උබේ අම්මගෙයි අප්පාගේයි වෙනස ...!!
කොල්ලා මං වගේමයි නේ ...!!
මට හරි දුකයි ...උබ වෙනුවෙන් ..ඌ වෙනුවෙන් ..
මට මෙතුවක් කාලෙකට ඉන්න බැරි උන එක ගැන ...
උබට අගහිගකම් තියේනම් මට කියහන්...
ඒ මගෙන් වියයුතු යුතුකම් ....!!
නීලමනී ...
අපි ප්රාරථනා කරමු එන ආත්මෙදිවත් ...
එකට ඉපදිලා අපේ බිඳී ගිය සිහින ගොඩනගන්න ..
සිංහල දෙමළ කොයිකත් මට එකයි ...
ඒත් ඒත් අපි එක ජාතියක ඉපදෙමු ...
එතකොට ප්රශ්නයක් නැතිවේවි කාටත් ..!!
මේ ,
සන්තිය.
No comments:
Post a Comment